અહમની સરહદોમાંથી નીકળવું ખૂબ અઘરું છે
અને સંગમના પાણી જેમ મળવું ખૂબ અઘરું છે
કોઈ મહેણું નહીં મારે કે મેં કોશિશ નથી કીધી
હું જાણું છું કે પત્થરનું પીગળવું ખૂબ અઘરું છે
હું જઈ એકાંતમાં બેઠો છતાંયે ફેર ન પડ્યો
જગતની ભીડમાં તો ખુદને મળવું ખૂબ અઘરું છે
ખુદાનું નામ લઈ આગળ વધો કેડી મરણની છે
જીવન પંથે અહીંથી પાછા વળવું ખૂબ અઘરું છે
ફરી દુર્ઘટના જેવો "રાઝ" આ મારો દિવસ ઉગ્યો
સૂરજની જેમ ધીમે ધીમે ઢળવું ખૂબ અઘરું છે.
No comments:
Post a Comment